احول بس مسمسم
عضو مبتدئ
عدد المساهمات : 50
تاريخ التسجيل : 16/05/2011
 |  موضوع: نذرت كليبي اذبحة  الإثنين مايو 16, 2011 2:33 pm | |
| على باب الجــرح دك جفك بسجين
واعرف دكتك وافتح شرايينــــــــي
لان في ما مضى للروح جنت الروح
ومكانك سابقا مابينك وبينــــــــــي
تأخرت بمجيئك وينك من سنين
يالمسلب شبابي بحالي خـــــليني
ذبل ورد المحنه ومات بيه الشوك
تمنيتك كبل مو هسه تسكينـــــي
جوعانه السنين ويوم ياكل يوم
عصرن ماي عمري وشربن سنين
جفت وجهي الملامح والفرح مختاض
وجه خيط العمر يم نار سجيــــــني
واكل عيني السهر كمت احلم احلم بيك
وولا طارش وصل منك يواسيـــــني
قفل بابه الكلب لالا تمر خطار
والموكد طفه ونامت فناجيــــــــــني
ومشيت بلايه خطوة وكاعي تنضح خوف
عثرت بذكرياتك باقيه بطينـــــــــــي
جنت مثل السطح مفتوح كلي وياك
ضنيتك سمه وتفهم مضاميـــــــني
وضكت مر الحقيقه بكاس من صدمات
من ايدك جنت كل ساع تروينـــــــي
وكبل سوطك قلم والظهر جان اوراق
كتبت فوكي قصايد لسه تاذيــــــني
وتطشرني المصيبه واسكر ببلواي
وتلملمني المصايب وارجع لدينــــي
وكلت خبز السوالف شفتي ويه شفاك
وبس ملح السوالف واكف بعينـــــي
انا عيني بصيره والجفوف طوال
ما اذل للعنب وارفعله جفيــــــــــني
صح ضكت العنب بس هو ينزل جان
بضميرك ياعنب هم كتلك انطينـــي؟
نذرت كليبي اذبحة بيوم بي انساك
وهسه انت افتهم هاليوم اسد دينــي
تضحكني شوكت وانا ابجي عمري الراح
ما امشي بعد خلف اليبجينــــــــــي  الموضوعالأصلي : نذرت كليبي اذبحة المصدر : منتديات هوفو نتhofonet.com احول بس مسمسم; توقيع العضو |
|
|
عقرب مدريدي
نائب المدير
عدد المساهمات : 300
تاريخ التسجيل : 15/06/2011
العمر : 32
الموقع : www.st
| | موضوع: رد: نذرت كليبي اذبحة الإثنين يوليو 04, 2011 12:37 pm | |
| |
|
الرئيسية 
التسجيل 
دخول